შპს რეგულაციებთან შესაბამისობის აკადემია

ბიზნესის აღწერა

Compliance Academy Georgia არის განათლებაზე ორიენტირებული ორგანიზაცია, რომელიც ხელს უწყობს ფინანსური სექტორის გამჭვირვალობასა და ცნობიერების ამაღლებას ფულის გათეთრებისა და ტერორიზმის დაფინანსების წინააღმდეგ ბრძოლაში (AML/CFT). ორგანიზაცია აუმჯობესებს პროფესიონალთა ცოდნას და უნარებს ამ მიმართულებით და სოციალური პასუხისმგებლობის ფარგლებში ახორციელებს შემდეგ ინიციატივებს: უფასო ტრენინგები ახალგაზრდა ქალებისთვის AML-ის თემაზე – ქალების გაძლიერებისა და პროფესიულ განვითარებაზე ორიენტირებული; საზოგადოებრივი ვებინარები ფინანსური უსაფრთხოების და კორუფციის პრევენციის თემებზე; ტრენინგის შემდგომი მენტორობა მონაწილეებისთვის ცოდნის პრაქტიკაში გამოსაყენებლად; ქართულად ადაპტირებული საგანმანათლებლო მასალების და რეგულაციების გაზიარება სოციალური ქსელებით. ორგანიზაციის პრიორიტეტია განათლება და გენდერული თანასწორობა. მისი მიზანია ფინანსურ სექტორში მდგრადი განვითარების ხელშეწყობა ცოდნის გავრცელებით. აქტივობების მასშტაბი მუდმივად იზრდება – მიმდინარეობს მოლაპარაკებები რეგიონულ უნივერსიტეტებთან და საერთაშორისო ორგანიზაციებთან, რათა მეტი ბენეფიციარი ჩაერთოს პროგრამებში. მათი საქმიანობა დადებითად აისახება როგორც პროფესიულ განვითარებაზე, ისე საზოგადოების ზოგად ინფორმირებულობაზე და ქალების ეკონომიკურ დამოუკიდებლობაზე.