შენი ექიმი

ბიზნესის აღწერა

„შენი ექიმი“ არის პირველი დამოუკიდებელი და მტკიცებულებაზე დაფუძნებული მედიაჰოლდინგი საზოგადოებრივი ჯანდაცვისთვის საქართველოში. ჰოლდინგი აერთიანებს 17 თემატურ ვებსაიტს და მობილურ აპლიკაციას — „შენი ექიმი“, რომელიც ხელმისაწვდომია ქართულ, რუსულ, სომხურ და აზერბაიჯანულ ენებზე. ჩვენი მიზანია მოსახლეობას მივაწოდოთ სანდო და მარტივად გასაგები ინფორმაცია ჯანმრთელობის, განათლებისა და ჯანსაღი ცხოვრების შესახებ. „შენი“-ს პლატფორმები შექმნილია მოსახლეობის რეალურ საჭიროებებზე პასუხის გასაცემად. ჩვენ ვთანამშრომლობთ ექსპერტებთან და საზოგადოებას ვაწვდით: ყოველდღიურ პრაქტიკულ რჩევებს, ჯანდაცვაზე მორგებულ ქართულენოვან ვიდეოკონტენტს, მობილურ აპს ადგილობრივ ენებზე, სანდო ინფორმაციას სამედიცინო, საგანმანათლებლო და სოციალური საკითხების შესახებ. ჩვენ უკვე შევქმენით 400-ზე მეტი ქართული Reels ვიდეო, რომელიც ვრცელდება ყველა იმ სოციალურ მედიაპლატფორმაზე, რომელსაც იყენებს ქართული აუდიტორია — Facebook, Instagram, TikTok, YouTube Shorts, Telegram. ამით ვაღწევთ აუდიტორიის იმ ნაწილს, რომელიც ტრადიციული საინფორმაციო არხებიდან გამოთიშულია — ახალგაზრდები, რეგიონების მოსახლეობა, ეთნიკური უმცირესობები.