ნოდარი ხუციშვილი

ბიზნესის აღწერა

უკვე 5 წელია, რაც 3D გრაფიკული ანიმაციის სამყაროში ვმოღვაწეობ. ეს სფერო ჩემთვის არა მხოლოდ პროფესია, არამედ ყოველდღიური შთაგონებაა. დღემდე შესრულებული პროექტების 90% საქართველოს ფარგლებს გარეთ გავაკეთე — ჩემი ანიმაციები გადის აშშ-ში, დიდ ბრიტანეთში, ევროპის სხვადასხვა ქვეყანაში, ჩინეთსა და იაპონიაში. ეს მხოლოდ ნაწილია იმ ქვეყნების, სადაც ჩემი ნამუშევარი გამოჩნდა. ერთ-ერთი გამორჩეული პროექტი იყო პოლონეთში, ქალაქ გორლიჩეს მუზეუმის ფასადზე წარმოდგენილი კულტურული შოუ — ორწუთიანი ანიმაცია, რომელიც ქალაქის ისტორიას ცოცხლად აცოცხლებდა 3D ელემენტებით და ვიზუალური დრამატურგიით. მსგავსი პროექტები ჩემთვის განსაკუთრებულად მნიშვნელოვანია, რადგან თითოეულში ვგრძნობ, რომ ჩემი შრომა რეალურ სივრცეებს ემატება და მათ ახალ სიცოცხლეს სძენს. რაც ყველაზე მეტად მიყვარს ჩემს საქმეში — ეს არის მრავალფეროვნება. ერთი დღე შეიძლება ისტორიულ თემაზე ვიმუშაო, მეორე დღეს კი პატარა საკონდიტრო მაღაზიის გახსნის შთამბეჭდავ ვიდეოზე შორეულ კუნძულზე.