რუსუდან ტეფნაძე

ბიზნესის აღწერა

თბილო ქმნის ეკოლოგიურად სუფთა, ბავშვის კანისთვის უსაფრთხო ტექსტილის პროდუქტებს, მათ შორის მუსლინის საბნებს, აქსესუარებსა და დეკორატიულ ნივთებს. ჩვენი საქმიანობა ეფუძნება პასუხისმგებლობას – გარემოსდაცვითი პრინციპების დაცვას, ადგილობრივი წარმოების მხარდაჭერას და ოჯახებისთვის ჯანმრთელი არჩევანის შეთავაზებას. თბილოს მიზანია ეკო-ტექსტილის კულტურის დამკვიდრება საქართველოში და დედებისთვის ეკოლოგიური არჩევანის პოპულარიზაცია. თბილოს სოციალური პასუხისმგებლობის ძირითადი მიმართულებებია: • გარემოს დაცვა – ვიყენებთ მხოლოდ ეკოლოგიურად სუფთა, უსაფრთხო ქსოვილებს, ვამცირებთ ნარჩენებს და ხელს ვუწყობთ მდგრად წარმოებას. • ადგილობრივი მეწარმეობის მხარდაჭერა – ვთანამშრომლობთ მცირე საწარმოებთან და ვქმნით სამუშაო ადგილებს და ვაძლიერებთ რეგიონულ ეკონომიკას. • ცნობიერების ამაღლება – სოციალურ ქსელებსა და ღონისძიებებში ვავრცელებთ ინფორმაციას ეკოლოგიური არჩევანის მნიშვნელობაზე, დედების საჭიროებებზე და ბავშვის უსაფრთხო გარემოს შექმნის გზებზე. თბილოს პროდუქცია ბაზარზე მცირე მასშტაბიანია, თუმცა გავლენა მნიშვნელოვანია – ჩვენი მომხმარებლები იღებენ არა მხოლოდ ნივთს, არამედ სწორ არჩევანს ბავშვების ჯანმრთელობისა და გარემოს კეთილდღეობისთვის. სამომავლოდ ვგეგმავთ წარმოების გაფართოებას და ეკოლოგიური პროდუქციის ხელმისაწვდომობის გაზრდას საქართველოში.